الیکشن کمشن کی تشکیل کے لیے اپوزیشن کی طرف سے چاروں صوبوں سے 12 نام پارلیمانی کمیٹی کو بھجوا دئیے گئے ہیں۔ قائد حزب اختلاف خورشید احمد شاہ کی طرف سے سیکرٹری قومی اسمبلی کو لکھے گئے خط کے ہمراہ ایک سربمہر لفافے میں اپوزیشن کی طرف سے تجویز کیے گئے نام بھجوائے گئے ہیں۔ حزب اختلاف کے ذرائع کے مطابق ہر صوبے سے تین تین نام شارٹ لسٹ کر کے تجویز کئے گئے ہیں۔ خط میں سیکرٹری قومی اسمبلی سے کہا گیا ہے اپوزیشن کی طرف سے تجویز کردہ ناموں پر مشتمل سربمہر لفافہ الیکشن کمشن کی تشکیل کے لئے قائم خصوصی پارلیمانی کمیٹی کے چیئرمین کو بھجوا دیا جائے۔