عارفوالا + کسووال +فیروزوالہ (نامہ نگاران) لڑکی اغواءاور زیادتی کے بعد قتل، نعش نہر سے برآمد ہوئی۔ عارفوالا میں 15 سالہ فضیلت اختر کو 2 روز قبل آصف جوئیہ نامی شخص نے ساتھیوں کے ہمراہ اغوا کر کے نامعلوم مقام پر لے جا کر زیادتی کا نشانہ بنا ڈالا۔ بعد ازاں ملزموں نے اغوا اور زیادتی کے ثبوت مٹانے کیلئے فضیلت کو قتل کرکے نعش نہر رنگ شاہ میں پھینک دی۔ پولیس نے ایک ملزم کو گرفتار کر کے تفتیش کیلئے نامعلوم مقام پر منتقل کر دیا۔ دریں اثنا کسووال کے علاقہ سکنہ 5/14-L کی منیراں بی بی کو 6 افراد مبین، سلیم، نوید، رفیق، طارق اور آصف نے گن پوائنٹ پر زیادتی کا نشانہ بنا ڈالا۔ فیروزوالہ کالا خطائی روڈ کی آبادی سدھانوالی میں اوباش نے محنت کش کے 10 سالہ بیٹے کوورغلا کر اس کے ساتھ زیادتی کر ڈالی۔ لوگوں نے ملزم کو پکڑ کر پولیس کے حوالے کردیا۔ 10 سالہ حمزہ کو ابوبکر نامی ورغلا کر لے گیا اور بعد میں اسکے ساتھ زیادتی کی۔