نیشنل جونیئر انڈر 18 ویمن ہاکی چیمپئن شپ 2 ٹیموں کے ٹرائلز پرسوں ہونگے

لاہور (سپورٹس رپورٹر+ نمائندہ سپورٹس) پانچویں نیشنل جونیئر انڈر 18 ویمن ہاکی چیمپئن شپ کیلئے پنجاب کی دو ٹیموں کے انتخاب کیلئے اوپن ٹرائلز پیر 24 جولائی کو نیشنل ہاکی سٹیڈیم میں صبح نو بجے ہوں گے۔ پنجاب ویمن ہاکی ایسوسی ایشن کی سیکرٹری راحت خان کے مطابق ٹرائلز میں شرکت کی خواہشمند کھلاڑی اپنے ب فارم، شناختی کارڈ یا میٹرک کی سند کے ساتھ ٹرائلز کے دن رپورٹ کر سکتی ہیں۔ چیمپئن شپ چار سے گیارہ اگست تک لاہور میں کھیلی جائے گی۔