گوجرانوالہ: ٹرک کی ٹکر سے موٹر سائیکل سوار 2 دوست جاں بحق، تیسرا شدید زخمی

گوجرانوالہ (نمائندہ خصوصی ) تیز رفتار ٹرک کی زد میں آکر دو نوجوان جاں بحق ہو گئے تیسرے دوست کو ریسکیو اہلکاروں نے زخمی حالت میں طبی امداد کیلئے ہسپتال منتقل کر دیا۔ بتایا گیا ہے کہ نعمان ،طارق اور طاہر موٹر سائیکل پر سوار ہو کر جا رہے تھے کہ ڈوگرانوالہ کے قریب تیز رفتار ٹرک نے انکی موٹر سائیکل کو ٹکر مار دی جسکے نتیجے میں شدید زخمی ہونیوالا نعمان اور طارق زخموں کی تاب نہ لاتے ہوئے جان کی باز ی ہار گئے تاہم واقعہ کی اطلاع پا کر موقع پر پہنچنے والے ریسکیو اہلکاروں نے متوفیان کے تیسرے زخمی دوست طاہر کو تشویشناک حالت میں فوری طور پر ڈسٹرکٹ ہسپتال منتقل کیا جہاں پر اسے طبی امداد فراہم کی جارہی ہے۔