پیرس(این این آئی)مشرق وسطیٰ کے لیے اقوام متحدہ کے خصوصی ایلچی نیکولائے میلاڈینوف نے کہا ہے کہ فلسطینی اتھارٹی کی طرف سے غزہ کے عوام کے خلاف اٹھائے گئے اقدامات سے اسلامی تحریک مزاحمت حماس کو نہیں بلکہ غزہ کے عوام کو نقصان پہنچا ہے۔ مرکزاطلاعات فلسطین کے مطابق انٹرویو میں یو این مندوب کاکہنا تھا کہ فلسطین میں یہودی آبادکاری اور توسیع پسندی کے اقدامات نے دو ریاستی حل کی کوششوں کو نقصان پہنچایا ،فلسطینی اتھارٹی کی طرف سے غزہ کی پٹی میں حماس کے خلاف بعض معاشی پابندیاں عائد کی گئی مگر ان کا نقصان غزہ کے عوام کو پہنچا۔