بدوملہی (نامہ نگار) نارووال لاہور نیو روڈ جو کہ جگہ جگہ سے ٹوٹ پھوٹ کا شکار ہوچکی ہے۔ جس پر ٹریفک کا چلنا بھی محال ہوچکا ہے۔ اورروڈ سنگل ہونے کی وجہ سے اکثر ٹریفک حادثات بھی ہوتے رہتے ہیں جس سے اب تک سینکڑوں قیمتی انسانی جانوں کا ضیاع ہوچکا ہے۔ عوامی حلقوں نے وزیر اعلیٰ ، صوبائی وزیر تعمیرات اور محکمہ تعمیرات کے ذمہ دار افسران سے مطالبہ کیا ہے کہ لاہور نیو روڈ کی مرمت کرنے کے احکامات جاری کریں۔