کورونا سے متعلق حکومتی گائیڈ لائنز پرعملدرآمد کروایا جارہا ہے، راجہ عاقب

چکری (نامہ نگار)چکری چوکی کے انچارج راجہ عاقب نے کہا ہے کہ اپنے ڈی پی او کی ہدایت کے مطابق کورونا کے پھیلائو کو محدود رکھنے کے لئے جذبہ خدمت کے ساتھ اپنے فرائض انجام دے رہے ہیںکورونا سے متعلق حکومتی گائیڈ لائنز پرعملدرآمد کروایا جارہا ہے گائیڈ لائنز کی خلاف ورزی کرنے والوں کو آڑے ہاتھوں لیا جارہا ہے خلاف ورزی کرنے والوں پر جرمانے اور مقدمات درج کر کے کئی دکانیں سیل بھی کر چکے ہیں جبکہ دکانوں کی چیکنگ کا سلسلہ آج بھی جاری ہے تاکہ وبائی وائرس کے پھیلائو کو کم سے کم کر کے شہریوں کی قیمتی جانوں کو ہر ممکن تحفظ فراہم کیا جاسکے اب چونکہ عید آرہی ہے اس سلسلے میں بازاروں میں خریداری کا رجحان کے ساتھ ساتھ منڈی مویشیوں میں رش بڑھ گیا ہے جس سے وائرس کے خطرات ایک بار پھر منڈلانے شروع ہوگئے ہیں اس سلسلے میں ڈی پی او آفس میں اس چیلنج سے نمٹنے کے لئے اجلاس کا انعقاد کیا گیا ہماری کوشش ہے کہ اپنے افسران کی خواہشات کو عملی جامہ پہناتے ہوئے ان کے احکامت پر عمل کرائیں۔