سرینگر(این این آئی) مقبوضہ کشمیر کے ضلع پونچھ میں آسمانی بجلی گرنے سے 3 افرادجاںبحق ہوگئے ہیں ۔کشمیرمیڈیاسروس کے مطابق ضلع میں سرنکوٹ کے علاقے گمسار ڈھوک میں آسمانی بجلی گرنے سے محمد عاشق اسکی اہلیہ زرینہ اختر او جاوید احمد سمیت تین افراد جاںبحق ہو گئے ۔ حکام نے میڈیا کو بتایا ہے کہ تینوں افراد موقع پر ہی جاںبحق ہو گئے ۔
پولیس نے تینوں افراد کی موت کی تصدیق کرتے ہوئے کہا کہ وہ دور دراز علاقے میں جانوروں کو چرانے کے لئے گئے تھے جب آسمانی بجلی ان پر گری ۔دریں اثناء ضلع راجوری کے علاقے قلال نوشہرہ میں بارودی سرنگ کے دھماکے میں ایک بھارتی فوجی شخص شدید زخمی ہوگیا۔ زخمی اہلکار کو دھمپور میں ہسپتال منتقل کردیا گیاہے۔