سپریم کورٹ نے نیب کے چہرے سے نقاب اتاردیا ،ڈاکٹر نفیسہ شاہ

اسلام آباد (نمائندہ خصوصی)سیکریٹری اطلاعات پیپلز پارٹی پارلیمنٹیرینز ڈاکٹر نفیسہ شاہ نے کہا ہے کہ سپریم کورٹ نے نیب کے چہرے سے نقاب اتاردیا ہے ، بیان میں انہوں نے کہا کہ نیب اور چیئرمین نیب کی ساکھ ختم ہو چکی ہے ، بلاول بھٹو زرداری کا نیب پر سیاسی انجنیئرنگ کرنے کی بات سچ ثابت ہوئی ، آمر اور ان کی باقیات احتساب کوسیاسی ہتھیار کے طور پر استعمال کرتے ہیں،چیئرمین نیب کا مزید عہدے پر رہنااخلاقیات کے منافی ہے ، آصف علی زرداری اور فریال تالپور کو جیل میں رکھا گیا ،سید خورشید شاہ اب بھی نیب کے پاس یرغمال ہیں ، وقت آگیا ہے کہ نیب کی تحویل میں ہلاکت کو قتل قراردیا جائے۔پی ٹی آئی سیاسی خانہ بدوشوں کی سرکس تھی ۔