ہارس ٹریڈنگ کیخلاف ق لیگ کا احتجاجی مظاہرہ

ملتان (سپیشل رپورٹر) مسلم لیگ ( ق ) لیبر ونگ پنجاب کے زیر اہتمام ہارس ٹریڈنگ اور لوٹا کریسی کے خلاف احتجاجی مظاہرہ ہوا جس کی قیادت سینئر نائب صدر مسلم لیگ لیبرونگ پنجاب ترجمان مسلم لیگ ضلع ملتان رانا محمد حفیظ نے کی۔ انہوں نے احتجاجی مظاہرہ سے خطاب کرتے ہوئے کہا کہ مسلم لیگ ( ن ) کا سیاسی جنازہ غریبوں کی آہوں نے نکال دیا ہے۔ چودھری پرویز الٰہی کل ان کی ہارس ٹریڈنگ اور لوٹا کریسی انتظامیہ کے تمام حربوں کے باوجود وزیراعلیٰ پنجاب انشاء اللہ کامیاب ہونگے مظاہرہ میں شفاعت احمد خان ‘ بابا اشفاق ‘ شاہد ہاشمی ‘ محمد صدیق بھٹی ایڈووکیٹ ‘ شیراز خان ملیزئی ‘ مہتاب عاصی ‘ یوتھ کے رہنما اسامہ ‘ ریاض بخاری ‘ عمر حفیظ ‘ دانش ‘ مصور ‘ غلام نبی ‘ ناصر کمبوہ ‘ عاصم بھٹی‘ اخلاق ‘ تاج جوئیہ ‘ مدثر شاہ ‘ اکبر انصاری سمیت کثیر تعداد میں مسلم لیگ ( ق ) کے کارکنوں نے شرکت کی۔