سکھر /روہڑی (بیورو رپورٹ/نامہ نگار)  روہڑی کے علاقے دبر سے ملاح سولنگی  اور سہتو برادری سے تعلق رکھنے والے  کے پانچ نوجوان عبدالحمید ،سرفراز ،شکیل ،فدا حسین اور خالد سولنگی پاک فوج میں بھرتی کے لیے پنوعاقل چھاؤنی جارہے تھے کہ راستے میں مسلح افراد نے ان کو روک لیا اور اسلحے کے زور پر ان کو اغوا کرنے کی کوشش کی تاہم دو نوجوان عبدالحمید اور خلاد حسین بھاگ نکلے جبکہ مسلح افراد تین نوجوانوں شکیل ،فدا اور سرفراز سہتو کو اغوا کرکے اپنے ساتھ لیگئے واقعہ کی اطلاع پر پولیس کی بھاری جمعیت علاقے میں پہنچ گئی رابطے پر ایس ایس پی سکھر سنگھار علی ملک نے واقعہ پر شکوک و شہبات کا اظہار کرتے ہوئے کہا ہے کہ ڈاکوؤں کے چنگل سے بچ جانے والے دونوں نوجوانوں کے بیانات شکوش و شہبات پیدا کررہے ہیں تاہم پولیس تفتیش کررہی ہے اور نوجوانوں کی بازیابی کے لیے کوششیں شروع کردی ہیں۔