ایمرجنگ ایشیاکرکٹ کپ، پاکستان سری لنکا کو ہرا کر فائنل میں پہنچ گیا

لاہور(سپورٹس رپورٹر) مینز ایمرجنگ ایشیاکپ کے پہلے سیمی فائنل میں پاکستان  سری لنکا کو 60 رنز سے ہراکر فائنل میںپہنچ گیا۔کولمبومیںپاکستان شاہینز کے کپتان محمد حارث نے ٹاس جیت کر  بیٹنگ  کا فیصلہ کیا، قومی ٹیم نے 322 رنز بنائے۔ عمیر بن یوسف  88 رنز‘کپتان محمد حارث 52 اور مبصر خان 42 رنز بناکر نمایاں رہے۔ میزبان سری لنکا  تین وکٹیں 33 رنز پر گرگئیں۔ اوشکا فرنینڈو اور ساہن اراچیگے نے چوتھی وکٹ کی شراکت میں 124 رنز کا اضافہ کیا۔اوشکا فرنینڈو  97 ‘ساہن اراچیگے 97 رنز بناکرآئوٹ ہوئے۔میزبان ٹیم 262رنز پر ڈھیر ہوگئی ۔مین آف دی میچ ارشد اقبال نے 5 وکٹیں لیں۔بھارت اے نے  بنگلہ دیش اے کو شکست دیدی ۔بھارتی اے ٹیم  211رنز پر آئوٹ ‘ بنگلہ دیش اے ٹیم  160رنز پر ڈھیر ہوگئی ۔  فائنل کل پاکستان شاہینز اور بھارت اے کے درمیان کھیلا جائیگا۔