ننکانہ صاحب(نامہ نگار)نواحی گاؤں سوہنی واڑہ میں محنت کش کے گھر میں سلنڈرپھٹنے سے آتشزدگی،لاکھوں روپے مالیت کا سامان جل کرخاکسترہوگیا۔ نواحی گائوں سوہنی واڑہ میں محنت کش رائے ثناء اللہ کے گھرسلنڈرجلاتے ہوئے اچانک آگ بھڑ ک اٹھی جس نے دیکھتے ہی دیکھتے پورے گھرکواپنی لپیٹ میں لے لیا۔آتشزدگی کے باعث گھرمیں موجودلاکھوں روپے ما لیت کی80من سے زائدگندم،کپڑے ودیگر سامان جل کرراکھ کاڈھیر بن گیا۔واقعہ کی اطلاع ملتے ہی ریسکیو 1122 کی ٹیمیں موقع پر پہنچ گئیں اورانہوں نے آتشزدگی پرقابوپایالیا۔