گوجرانوالہ:گڈز ٹرانسپورٹرز نے حکومت کو اپنا چارٹر آف ڈیمانڈز پیش کر دیا 

گوجرانوالہ(نمائندہ خصوصی )گڈز ٹرانسپورٹرز ایسوسی ایشن کے صدر ہارون آصف راٹھور نے میڈیا سے گفتگو کرتے ہوئے کہا کہ گڈز ٹرانسپورٹ برادری کے ساتھ ہونیوالی زیادتی و ظلم کو مد نظر رکھتے ہوئے حکومت وقت کو اپنا چارٹر آف ڈیمانڈز پیش کر دیا ہے انہوں نے کہا کہ وزن ایکسل ویٹ کا یکساں نظام نہ ہونا ، موٹروے پولیس کی ناانصافیاں ، سندھ میں ڈاکوئوں کا ظلم ، ٹول ٹیکس میں اضافہ ، بلا وجہ کے جرمانے ، کسٹمز حکام کی جانب سے ہراساں کیا جانا اور ہائی ویز پر بڑھتی ہوئی ڈکیتیاں اب ناقابل برداشت ہیں۔