لاہور(سپورٹس رپورٹر)ناروے کپ2024 کیلئے  پاکستان اسٹریٹ چائلڈ فٹبال ٹیم کے سکواڈ کا اعلان کر دیا گیا ، کپتان محمد عدیل،گول کیپر، آریان،عدیل علی خان،محمد کاشف،عیسی خان، شاہد انجم، عبدالغنی  مڈفیلڈرز،محمد جنید،محمد خان،دانیال ،اویس ،محمد اسامہ شامل ہیں اور ڈیفینڈرز، اسد ناصر، عبید اللہ ، محمد عدیل،حمزہ گل سکواڈ میں شامل ہیں۔قومی ٹیم ایونٹ میں حصہ لینے کیلئے 25 جولائی کو ناروے اوسلو کیلئے اڑان بھرے گی ۔پاکستان سٹریٹ چائلڈ فٹبال ٹیم کی جانب سے ناروے کپ 2024 میں شرکت سے قبل وزیر اعظم یوتھ پروگرام کے تعاون سے سپورٹس کمپلیکس اسلام آباد میں پریس کانفرنس کا انعقاد کیا گیاجس میں قومی سٹریٹ چائلڈ فٹبال ٹیم کے کپتان محمد عدیل، کوچ محمد رشید ، وزیر اعظم یوتھ پروگرام کے چیئرمین رانا مشہود احمد خان اورکنٹری ہیڈ مسلم ہینڈز پاکستان سید ضیا النور،ایگزیکٹو ڈائریکٹر مسلم ہینڈز پاکستان سید جاوید گیلانی اور انتظامیہ نے گفتگوکی۔ قومی سٹریٹ چائلڈ فٹبال ٹیم کا  پہلا میچ 28 جولائی کو ناروے کے استور فٹبال کلب سے ہوگا۔