اسلام آباد (نوائے وقت رپورٹ) صدر مملکت آصف علی زرداری نے میئر کراچی مرتضیٰ وہاب کو اسلام آباد طلب کر لیا۔ ذرائع کے مطابق میئر کراچی صدر آصف علی زرداری سے ملاقات کے لیے اسلام آباد روانہ ہو گئے ہیں۔ ذرائع کا کہنا ہے کہ ملاقات میں شہر کے مسائل کے حل کیلئے تجاویز پر غور کیا جائے گا۔ ذرائع نے بتایا کہ کراچی میں میگا سکیموں اور پانی کی فراہمی پر صدر آصف زرداری کو بریفنگ دی جائے گی۔ ذرائع کے مطابق صدر اور میئر کراچی کی ملاقات پیر کے روز ایوان صدر اسلام آباد میں ہو گی۔