پولیس کے اسسٹنٹ شاہد شبیرکی گریڈ 17 آفس سپر نٹنڈنٹ کے عہدہ پر ترقی

اسلام آباد(اپنے سٹاف رپورٹر سے) پولیس کے اسسٹنٹ شاہد شبیرکو گریڈ 17 آفس سپر نٹنڈنٹ کے عہدہ پر ترقی مل گئی،ڈیپارٹمنٹل پروموشن کمیٹی کی سفارش پر انسپکٹر جنر ل آف پولیس اسلام آباد سید علی ناصر رضوی نے ان کی ترقی کی منظوری دی جس کا باقاعدہ نوٹیفیکیشن جاری کر دیا گیا،اے آئی جی اسٹیبلیشمنٹ /آپریشنز عبد الحق عمرانی نے ترقی کا نوٹیفیکیشن شاہد شبیر کے حوالے کیا،شاہد شبیر نے دسمبر 2009میں بطو ر اسسٹنٹ اسلا م آباد پولیس میں بھرتی ہوئے اور سنٹرل پولیس آفس میں مختلف عہدوں پر تعینات رہے،انہیں دوران سروس بہترین کارکردگی پر تین بار "کاپ آف دی منتھ"قرار دیا گیا ۔