امتیاز خان کاکا خیل کا کھیلوں کے میدان آباد کرنا کارنامہ ہے،شیخ اجمل محمود 

حضرو ( نمائندہ نوائے وقت )لیگی راہنما شیخ اجمل محمود نے کہا ہے کہ امتیاز خان کاکا خیل کا کھیلوں کے میدان آباد کرنا عظیم کارنامہ ہے جہاں کہیںبھی کرکٹ ٹورنامنٹ ہوئے انہوںنے نوجوانوں کی بھرپور حوصلہ افزائی کی اور لاکھوں روپے کے نقد انعامات اور ٹرافیاں اپنی طرف سے دیں ان خیالات کا اظہار انہوںنے ویسہ میں تلے کرکٹ گرائونڈ میں فائنل میچ میںبطور مہمان خصوصی شرکت کے موقع پر اظہار خیال کرتے ہوئے کیا اس موقع پر جاوید خان کاکا خیل ،دلاور خان ،یونس خان ممبر ،شیخ احسن محمودکے علاوہ دیگر معززین بھی موجود تھے فائنل میچ جو کٹی الیون جہانگیر ہ کی ٹیم کو واک آوور مل گیا ٹورنامنٹ کے مہمان خصوصیشیخ اجمل محمود نے فائنل میں کامیاب ہونیوالے ٹیم کو 3لاکھ روپے نقد اور ٹرافی سے نوازا اس موقع پرگفتگو کرتے ہوئے شیخ اجمل محمود نے کہا کہ امتیاز خان کاکا خیل ٹورنامنٹ جس میں آل پاکستان سے 32کرکٹ ٹیموں نے حصہ لیا جس کی وجہ سے نوجوانوں کی حوصلہ افزائی ہوئی امتیاز کاکا خیل نے اس ٹورنامنٹ کیلئے اپنی طرف سے لاکھوں روپے کے انعامات دیئے بہترین ٹورنامنٹ کروانے پر امتیاز خان کا کا خیل ،جاوید خان کا کا خیل ،یونس خان ممبر ،دلاور خان ودیگر ممبران مبارکباد کے مستحق ہیں ۔