گوجرخان شہر کے اکلوتے شریف پارک میں ویرانیوں کے ڈیرے

گوجرخان (نامہ نگار)گوجرخان شہر کا اکلوتا شریف پارک اس وقت مقامی انتظامیہ اور محکمہ جنگلات کی عدم دلچسپی کے باعث ویران اور اجاڑ پڑا ہوا ہے یہاں پر جو جھولے لگائے گئے وہ بھی ٹوٹ چکے ہیں شہریوں کے بیٹھنے کیلئے رکھے گئے بینچ ٹوٹ پھوٹ کا شکار ہوگئے جنگلی جڑی بوٹیاں سارے پارک میں اگی ہوئی ہیں صفائی کی ابتر صورتحال ہے اس پر شہریوں نے کہا ہے کہ مقامی انتظامیہ اورمحکمہ جنگلات پارک کی دیکھ بھال صفائی ستھرائی کی طرف توجہ دے یہاں پر لگائے گئے جھولے دوبارہ نصب کیے جائیں تاکہ شہری یہاں بچوں کے ساتھ آ کر تفریح کر سکیں یہ اکلوتا پارک شہریوں کی تفریح کے لیے تھا لیکن عدم دلچسپی اور دیکھ بھال نہ ہونے کے باعث ویران اور اجاڑ پڑا ہوا ہے۔