لندن (اے پی پی) انگلینڈ کرکٹ ٹیم کے مایہ ناز بلے باز آئن بیل نے کہا ہے کہ انکی تمام تر توجہ آئی سی سی چیمپئنز ٹرافی پر مرکوز ہے۔ انہوں نے کہا کہ پروٹیز کے خلاف کامیابی کے بعد ٹیم کا مورال بلند ہے۔ انہوں نے کہا کہ انکی ٹیم جیت کا تسلسل برقرار رکھتے ہوئے پہلی مرتبہ آئی سی سی چیمپئنز ٹرافی کا ٹائٹل اپنے نام کریگی۔ پروٹیز کے خلاف ناقابل شکت 82 رنز بنانے پر وہ بہت خوش ہیں۔ آئن بیل نے کہا کہ انکی ٹیم فائنل کے لیے بھرپور تیاری کررہی ہے۔ انہوں نے کہا کہ ٹیم بھارت کے خلاف آئی سی سی چیمپئنز ٹرافی کا فائنل کھیلنے کے لیے بے تاب ہے۔ آئن بیل نے کہا کہ ٹیم منی ورلڈ کپ کے فائنل میں بھی شاندار کارکردگی کی بدولت پہلی مرتبہ ٹائٹل اپنے نام کرنے میں کامیاب ہوجائیگی تاہم انہوں نے کہا کہ فتح کے لیے پوری ٹم کو تینوں شعبوں میں سر دھڑ کی بازی لگانا ہوگی۔ انہوں نے کہا کہ ٹیم کے لیے بہترین موقع ہے کہ منی ورلڈ کپ پہلی مرتبہ جیت کر قوم کو تحفہ دے ۔ وہ پر امید ہیں کہ انکی ٹیم بھارت کو فائنل میں شکست دیکر آئی سی سی چیمپئنز ٹرافی کی تاریخ میں اپنا نام سنہری حروف میں رقم کرائیگی۔