کوپا امریکہ فٹبال کپ‘ دفاعی چیمپئن یوروگوئے،پیراگوئے اور ارجنٹائن کی ٹیمیں کوارٹر فائنل میں پہنچ گئیں

سان تیاگو (اے پی پی) کوپا امریکہ فٹ بال کپ میں دفاعی چیمپئن یوروگوئے، پیراگوئے اور ارجنٹائن کی ٹیمیں کوارٹر فائنل میں پہنچ گئیں۔ چلی میں جاری ایونٹ میں کھیلے گئے گروپ بی کے میچ میں دفاعی چیمپئن یوروگوئے اور پیراگوئے کی ٹیموں کے درمیان میچ کانٹے دار مقابلے کے بعد 1-1 گول برابری پر ختم ہوا، دونوں ٹیموں نے فیصلہ کن گول سکور کرنے کیلئے سرتوڑ کوشش کی تاہم کوئی بھی ٹیم کامیاب نہ ہو سکی، دونوں ٹیمیں ڈرا میچ کھیلنے کے باوجود کوارٹر فائنل میں جگہ بنانے میں کامایب رہیں۔ دوسرے میچ میں ارجنٹائن نے جمیکا کو زبردست مقابلے کے بعد 1-0 گول سے ہرا کر کوارٹر فائنل میں جگہ بنا لی۔