رمضان کے دوران انسداد پولیو مہم، ملتان میں لیڈی ہیلتھ ورکرز، رضاکاروں نے بائیکاٹ کر دیا

ملتان (نوائے وقت رپورٹ) لیڈی ہیلتھ ورکرز نے ملتان میں رمضان میں انسداد پولیو مہم کے بائیکاٹ کا اعلان کیا۔ لیڈی ہیلتھ ورکرز کے ساتھ 2 ہزار رضاکاروں نے بھی بائیکاٹ کردیا۔ محکمہ ہیلتھ نے 23 جون سے 5 روزہ پولو مہم چلانے کے احکامات دیئے تھے۔ صدر لیڈی ہیلتھ ورکرز نے کہا ہے کہ آج فیصلے کیخلاف کچہری چوک پر احتجاج کریں گے۔ ضلع میں 7 لاکھ سے زائد بچوں کو پولیو کے قطرے پلائے جانے تھے۔