لاہور: متعدد وارداتوں میں شہری لاکھوں کی نقدی‘ زیورات قیمتی اشیا سے محروم

لاہور (سٹاف رپورٹر) شہر میں چوری و ڈکیتی کی متعدد وارداتوں میں ڈاکوئوں اور چوروں نے شہریوں کو لاکھوں روپے کی نقدی، زیورات و قیمتی اشیا سے محروم کردیا ڈاکوئوں نے تھانہ فیصل ٹاون کے علا قہ میں بلال کی فیملی سے8لا کھ 70ہزار روپے کی نقدی و زیورات، تھانہ ستوکتلہ کے علا قہ میںعامر ملک کی فیملی سے 6 لاکھ 80 ہزار ما لیت کی نقد ی و زیورات ، تھانہ سمن آباد کے علا قہ میںشہبازکی فیملی سے 5لا کھ 90ہزار روپے کی نقدی و زیو رات ،تھانہ شادباغ کے علا قہ میں الماس کے گھر سے2لاکھ 65ہزار روپے کی نقد ی و زیو رات ، تھانہ نواب ٹاون کے علا قہ میںشاہد کے گھر سے 4لا کھ20ہزار روپے کی نقد ی وزیورات ، تھانہ باٹا پور کے علا قہ میںیاسر کی فیملی سے2لا کھ 40 ہزار روپے کی نقدی وزیورات لوٹ لئے گارڈن ٹاون میںآصف ، سبزاہ زار میںفیصل کی گاڑیاں اور اچھرہ، مزنگ، لوئر مال ، مصری شاہ اور چوہنگ سے موٹرسائیکلیں چوری کر لیں گئیں۔