کراچی (سٹی نیوز)پیپلزیوتھ آگنائزیشن سندھ کے تحت محترمہ بے نظیر بھٹو کا 66واں یو م پیدائش جوش و خروش سے منایا گیا، سندھ بھر میں پیپلز یوتھ کے زیر اہتمام قرآن خوانی کا انعقاد کیا گیا، اور بی بی شہید کی سالگرہ کے موقع پر جگہ جگہ نعرے لگائے گئے ، زندہ ہے بی بی زندہ ہے ، اس موقع پر کارکنان سے بات چیت کرتے ہوئے پیپلزیوتھ آرگنائزیشن سندھ کے صدر جاوید نایاب لغاری نے کہا کہ محترمہ بے نظیر بھٹو شہید عالم اسلام کی پہلی خاتون وزیراعظم تھیں جنہوں نے ملک کی باگ دوڑ سنبھالی، اور آمریت کے خلاف جدوجہد کرتے ہوئے قید و بند کی صعوبتیں برداشت کیں ۔پیپلز یوتھ آرگنائزیشن سندھ کے ترجمان تیمور علی مہر کا کہناتھا کہ بی بی شہید کے مشن کو آگے بڑھاتے ہوئے پورے سندھ میں عوامی رابطہ مہم کا آغاز کریں گے۔