اللہ آپ کو ہمیشہ سرخرو کرے، زرداری کا بلاول سے رابطہ، کامیاب جلسہ پر مبارکباد تم ’’بڈھے‘‘ جوان ہو، صحافی کو جواب

اسلام آباد (نوائے وقت رپورٹ) سابق صدر آصف علی زرداری نے نوابشاہ کے کامیاب جسلہ پر بلاول بھٹو کو مبارکباد دی ہے۔ آصف علی زرداری نے بلاول بھٹو سے رابطہ کیا اور کہا کہ میں نے تمام جلسہ پارلیمنٹ میں بیٹھ کر دیکھا میری دعا ہے کہ اللہ آپ کو ہمیشہ کامیاب اور سرخرو کرے۔ آصف علی زرداری نے پارلیمنٹ ہائوس میں میڈیا سے گفتگو بھی کی۔ صحافی نے آصف زرداری سے سوال کیا کہ بلاول بھٹو زرداری کا جلسہ کیسا تھا۔ جس پر آصف زرداری نے کہا کہ بلاول بھٹو نے اپنی سیاسی زندگی کا اب تک کا شاندار خطاب کیا صحافی نے سوال کہا کہ زرداری صاحب آپ تو بالکل فریش لگ رہے ہیں ہم تو تھک گئے ہیں آصف زرداری نے جواب دیا کہ میں کوئی آپ کی طرح ہوں آپ بڈھے جوان ہو۔