اسلام آباد (وقائع نگار خصوصی) وزیراعظم عمران خان نے عظیم باکسر محمد علی کو خراج عقیدت پیش کیا ہے۔ ٹوئٹر پر اپنے پیغام میں وزیراعظم عمران خان نے لکھا میری نگاہ میں وہ عظیم ترین کھلاڑی تھا، محض اس لئے نہیں کہ وہ قابل، ذہین اور نڈر تھا بلکہ اس لئے کہ اس کے اعتقادات مادی حصار سے آزاد ہوگئے اور وہ ایمان کی حد تک اس حقیقت کو پا گیا کہ جانوروں کے برعکس انسانوں کا وجود ایک مقصدِ عظیم سے جڑا ہوا ہے۔ ان کی قوت اور حوصلہ آج بھی دنیا بھر میں لوگوں کیلئے مشعل راہ ہیں۔