پیپلزپارٹی اقلیتی ونگ کے زیر اہتمام بینظیر بھٹو کی سالگرہ پر تقریب

لاہور(نامہ نگار)پاکستان پیپلز پارٹی کی شہید چیئرپرسن اور سابق وزیر اعظم بے نظیر بھٹو کی سالگرہ تقریب کا انعقاد مریم کالونی کے چرچ میں کیا گیاکرونا وائرس کے ایس او پیز کا خیال رکھتے ہوئے سماجی فاصلوں کے ساتھ بے نظیربھٹو شہیدکی سا لگرہ تقریب کا انعقاد کیا گیا۔تقریب کا انعقاد پیپلزپارٹی کے اقلیتی رہنما ایڈون سہوترا نے کیا چرچ میں بے نظیربھٹوکے ایصال ثواب کیلئے خصوصی دعا کی گئی۔ایڈون سہوترا نے کارکنوں کیساتھ ملکرکیک کاٹا،محترمہ شہید کوبھرپورخراج عقیدت پیش کیا اور کہا کہ بلاول بھٹوکی قیادت میں بے نظیرکے مشن کومکمل کریں گے۔