لاہور (نمائندہ خصوصی) لوئر مال کے علاقے میں سگے بیٹے نے 60 سالہ باپ کو اینٹیں مار مار کر قتل کر دیا اور فرار ہو گیا۔ پولیس کے مطابق لوئر مال کے علاقہ بند روڈ بوبی پلازہ کے قریب 60 سالہ شخص کو اس کے بیٹے نے اینٹوں کے وار سے قتل کر دیا اور فرار ہو گیا۔ پولیس کے مطابق60 سالہ محمد علی کا بیٹا ریاض اسے بھیک مانگنے سے منع کرتا تھا۔ بار بار منع کرنے پر محمد علی باز نہ آیا جس پر گزشتہ روز تلخ کلامی ہو گئی اور ملزم ریاض نے اینٹوں کے وار سے باپ کو قتل کر دیا۔