انڈورا کی کوہ پیما سٹیفنی’’کے ٹو‘‘ سر کرنے پاکستان پہنچ گئیں

لاہور(سپورٹس رپورٹر)یورپی ملک انڈورا کی خاتون کوہ پیما سٹیفی ٹروگیٹ آکسیجن کے بغیر' کے ٹو' اور 'براڈ پیک 'سر کریں گی۔انڈورا سے تعلق رکھنے والی سٹیفی ٹروگیٹ پاکستان پہنچ چکی ہیں، سکردو پہنچنے کے بعد سٹیفی نے پاکستانی مرحوم کوہ پیما محمد علی سدپارا کی فیملی سے ملاقات بھی کی۔ذرائع کا کہنا ہے کہ محمد علی سدپارا کے بیٹے ساجد سدپارا کے ٹو کی مہم پر سٹیفی کے ساتھ ہوں گے۔ذرائع کے مطابق کے ٹو سے قبل یورپی ماؤنٹینیئر براڈ پیک بھی بغیر آکسیجن کے سر کریں گی۔ذرائع کا کہنا ہے کہ کے ٹو اور براڈ پیک پر پیش قدمی کیلئے سٹیفی اپنی ٹیم کے ہمراہ سکردو سے بیس کیمپ کی جانب روانہ ہوچکی ہیں۔