ڈی اےچ اے گوجرانوالہ نے مین بلیوارڈ ایکسٹینشن کا آغاز کردیا

گوجرانوالہ (نمائندہ خصوصی )ڈی اےچ اے گوجرانوالہ نے مین بلیوارڈ ایکسٹینشن کا باضابطہ طور پر آغازکیا جس سے ممبرزکو متعلقہ سیکٹرز اور پلاٹ تک رسائی با آسانی ممکن ہو گی اسی سلسلے میں ایک تقریب کا انعقاد کیا گیااس موقع پر پراجیکٹ ڈائریکٹرDHAگوجرانوالہ بریگیڈئیر محمد اسلم خان نیازی نے رجسٹرڈ ڈیلرز، J.Vاسٹیک ہولڈر ز اور دیگر شرکاءسے خطاب میں کہا کہ ڈی ایچ اے گوجرانوالہ میں آج مین بلیوارڈ ایکسٹینشن کی توسیع کا سنگ بنیاد رکھا گیا ہے یہ پراجیکٹ عرصہ دراز سے تکمیل کے مراحل میں تھا لیکن اب اس کی تعمیر کا موثر طریقے سے باقاعدہ آغاز ہو چکا ہے اوربہت جلدپایہ تکمیل تک پہنچ جائے گاانہوں نے مزید کہا کسی بھی ہاﺅسنگ سوسائٹی میں مین بلیوارڈ ممبرز کے لیے رہائشی پریمیئم لوکیشن بہترین آماجگاہ کے ساتھ ساتھ کمرشل سر گرمیوں کے حوالے سے پہلاانتخاب ہے،DHAگوجرانوالہ میں کئی اہم پراجیکٹس پر ترقیاتی کام تیزی سے جاری ہے اور ان کی جلد از جلد تکمیل ہماری اولین ترجیح ہے۔ DHAگوجرانوالہ اپنے معزز ممبرز سے کیے گئے وعدوں کے تکمیل کے لیے ہمہ وقت مصروف ہے اور اسی تناظر میں پوزیشن کے حصول کو جلد از جلد ممکن بنایا جارہا ہے تاکہ پرائیویٹ تعمیرات کا باضابطہ آغاز ہو سکے آپ کوبہت جلد کئی اہم خوشخبریاں دیکھنے اور سننے کو ملیں گی جو کہDHAگوجرانوالہ انتظامیہ کی منظم جدوجہد اور مسلسل کوششوں کا نتیجہ ہے۔