پی پی قائدےن کی قربانیوں کی بدولت آج ملک میں جمہوریت مضبوط ہے : منےر قمر واہگہ

شیخوپورہ(نمائندہ خصوصی+ نمائندہ نوائے وقت)سابق وزیراعظم ،شہید بینظیر بھٹو کی 70 ویں سالگرہ کا کیک ضلعی سینئر نائب صدر خالق عزیز ورک کی اقامت گاہ پر کاٹا گیا تقریب کے مہمان خصوصی ڈویژنل نائب صدر و پی پی 140 کے ٹکٹ ہولڈر چودھری منیر قمر واہگہ ،چودھری لطیف احسن ،ممتاز محمود مون خان،آصف خان ، ملک جمشید شہباز، چودھری صابر بھلہ ودیگر تھے اس موقع پر کاشف گیلانی ، رانا اکرم ناز، مرزا ہارون الرشید، سید اطہر حسین، میاں محمود اختر، ڈاکٹر قیصر امین ، اشفاق انجم ، سید جاوید شاہ ، رانا سلطان ، رانا عرفان ، میاں عمران ،حکیم خورشید ،ملک عمران ڈوگر، رانا بلال سمیت خواتین کی بڑی تعداد نے شرکت کی اس موقع پر خطاب کرتے چودھری منیر قمر واہگہ نے کہاکہ بینظیر بھٹو شہید نے جس نظریے کے لئے اپنی جان کا نذرانہ دیا وہ نظریہ ہمارے لئے مشعل راہ ہے ۔ پی پی قائدےن کی قربانیوں کی بدولت آج ملک میں جمہوریت مضبوط ہے بے نظےر بھٹو آخری وقت تک عوامی حقوق اورپاک وطن کی خودمختاری کو یقینی بنانے کیلئے جدوجہد کرتی رہیں۔