فیروزوالہ( نامہ نگار) ڈکیتی، چوری اورراہزنی کی وارداتیں جاری ۔ جاوید نگر کے قریب ڈاکو دو بھائیوں اصغر علی اور اکبر علی سے نقدی اورموبائل چھین کر فرار ہوگئے۔ غلام عباس جولاہور ایئر پورٹ سے فیصل آباد جارہاتھا کوٹیکسی ڈرائیور نے نشہ آورمشروب پلا کر60ہزار روپے نقدی،طلائی گھڑی،غیر ملکی کرنسی 1لاکھ روپے لوٹ کر نیم مردہ حالت میں غلام عباس کو سڑک پر پھینک دیا اور فرار ہوگیا۔ غلام عباس چار سال بعد تاجکستان سے گھر واپس جارہاتھا۔منوں سٹاپ کے قریب 2 ڈاکو شہباز سے موٹرسائیکل اور ونڈالہ دیال شاہ میں ڈاکوسہیل کی دکان میں گھس کر1لاکھ روپے نقدی لوٹ کر لے گئے۔ 2ڈاکو گن پوائنٹ پر غلام دستگیر سے موٹرسائیکل اور اور نقدی چھین کر فرار ہو گئے۔2ڈاکو مسافرطاہر کو یرغمال بناکر موٹرسائیکل،60ہزار روپے نقدی 2موبائل چھین کر لے گئے۔ ڈاکوو¿ں نے مظہر سے نقدی موبائل فون چھین کردوران ڈکیتی مزاحمت پر گولی مار کر زخمی کردیا ،ریسکیو اہلکاروں نے مضروب کو ہسپتال داخل کرا دیا ۔تھانہ ہاوسنگ کالونی کے علاقہ جی ٹی روڈ سے 3ڈاکو یوسف سے موٹرسائیکل‘ نقدی موبائل چھن کرلئے گئے۔