لاہور(لیڈی رپورٹر ) گورنمنٹ گریجوایٹ کالج برائے خواتین سمن آباد لاہور میں شعبہ فنون لطیفہ کے زیر اہتمام مصوری کے فن پاروں کی نمائش کا انعقاد کیا گیا۔ پرنسپل پروفیسر ڈاکٹر شاہین کرامت علی مہمان خصوصی تھیں جبکہ وائس پرنسپل صائمہ میر نے بطور مہمان اعزاز شرکت کی۔کالج کونسل ممبران ،اساتذہ اور طالبات نے بھی نمائش دیکھی۔ نمائش میں بی ایف اے کی طالبات نے اپنا تھیسس ڈسپلے کیا۔ طالبات نے صدر شعبہ فائن آرٹس نادیہ ندیم اور صبا رشید کی زیر نگرانی اپنے فن پاروں کے ذریعے تخلیقی صلاحیتوں کا اظہار کیا۔ پرنسپل پروفیسر ڈاکٹر شاہین کرامت علی نے طالبات کے فن پاروں اور ان کی فنکارانہ مہارتوں کو سراہا، ان کی حوصلہ افزائی کی اور شعبہ فائن آرٹس کا شکریہ ادا کیا۔