سپین میں کشتی اْلٹ گئی، 24 افراد کو بچا لیا گیا، 35 افراد لاپتہ

 میڈرڈ (نیٹ نیوز) سپین کے کینیری جزیرے کی طرف جانے والی کشتی ڈوب گئی جس میں سے 24 افراد کو بچا لیا گیا جبکہ1 بچے سمیت 35 تارکین وطن اب بھی لاپتہ ہیں۔ کینیری جزیرے کی طرف جانے والی کشتی میں کْل 59 افراد سوار تھے۔ مراکشی قیادت میں کیے گئے ریسکیو آپریشن میں 24 افراد کو بچا لیا گیا ہے۔ مہاجرین کے لیے قائم کی گئی۔ این جی او ’واکنگ بارڈرز‘ نے حادثے کی اطلاع دی۔ سپین کی میری ٹائم ریسکیو سروس کے ایک ذرائع نے بتایا کہ گران کینریا کے جنوب مشرق میں 88 میل کے فاصلے پر آپریشن کیا گیا۔