نارنگ منڈی‘ شدید گرمی میں بجلی کی گھنٹوں لوڈشیڈنگ نے زندگی اجیران کر دی‘ شہری

نارنگ منڈی (نمائندہ نوائے وقت) گرمی کی شدت میں اضافہ، بجلی کی لوڈشیڈنگ نے زندگی مزید اجیرن کر دی بچوں بوڑھوں کے لئے رات کو سونا بھی مشکل مچھروں کی بہتات نے ناک میں دم کردیا۔ اہل علاقہ کا بجلی کی گھنٹوں لوڈشیڈنگ نہ کرنے کا مطالبہ نارنگ شہر اور گردونواح میں گھنٹوں جاری بجلی کی بندش نے اہل علاقہ کو پریشان کر کے رکھ دیا ہے بجلی کی بندش سے شدید گرمی میں بچوں، بوڑھوں، خواتین کی زندگی اجیرن ہوکر رہ رہ گئی۔ معصوم بچے شدید گرمی اور مچھروں کی بہتات کی وجہ سے رات بھر سو نہیں پاتے، بیمار افراد کا شدید گرمی میں پہلے ہی برا حال ہوتا ہے بجلی کی بندش نے ان کی تکلیف میں مزید اضافہ کر دیا ہے۔ اہل علاقہ نے بجلی کی لوڈشیڈنگ پر شدید احتجاج کیا ہے۔