انڈر19ریجنل انٹرا ڈسٹرکٹ ون ڈے ٹورنامنٹ‘ شمائل حسین کی ڈبل سنچری

لاہور(سپورٹس رپورٹر)انڈر19ریجنل انٹرا ڈسٹرکٹ ٹورنامنٹ میں نارتھ زون کے کپتان شمائل حسین نے ڈبل سنچری سکور کردی۔پاکستان کرکٹ بورڈ کے تحت جاری انڈر19ریجنل انٹرا ڈسٹرکٹ ٹورنامنٹ میں گلگت بلتستان کیخلاف  ون ڈے میچ میں نارتھ زون کے کپتان شمائل حسین نے 135 گیندوں پر 206  رنز بنائے۔ان کی اننگز میں 22  چوکے اور 9 چھکے شامل تھے۔ 50 اوورز کے میچ میں نارتھ زون کی ٹیم نے شمائل حسین کی ڈبل سنچری کی بدولت 420  رنز کا مجموعہ ترتیب دیا۔شمائل حسین نے 9 اوورز میں دو وکٹیں بھی حاصل کیں۔ گلگت بلتستان کی ٹیم 50 اوورز میں سات وکٹوں پر 291 رنز بناسکی۔ گلگت بلتستان کی جانب سے تبرار ولی نے 80  رنز ناٹ آؤٹ بنائے۔