لاہور (نامہ نگار) چوری ڈکیتی کی وارداتوں میں متعدد شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔  ڈاکوؤں نے ڈیفنس  میں صبور کے گھر اہلخانہ کو گن پوائنٹ پر یرغمال بنا کر 5لاکھ 40 ہزار روپے، طلائی زیورات، موبائل فون ودیگر سامان، سبزہ زار میں مختار اور اسکی فیملی سے 3لاکھ 70ہزار روپے‘ زیوارات اور موبائل فون، اقبال ٹاؤن میں معین سے 2لاکھ 17ہزار روپے، ہربنس پورہ  میں علی سے ایک لاکھ 30 ہزارروپے‘ موبائل فون، شیرا کوٹ میں حمزہ سے گن پوائنٹ پر42ہزار روپے موبائل فون، نشتر کالونی میں ریحان سے 34 ہزار روپے اور موبائل فون، مانگا منڈی میں گن پوائنٹ پر رضا سے22ہزار اور موبائل فون، ہئیر کے علاقے میں زاہد سے6 ہزار روپے اور موبائل فون لوٹ لیا اورفرار ہوگئے۔ چوروں نے سندر اوربرکی سے 2گاڑیاں، شاہدرہ ٹاؤن سے رکشہ جبکہ سبزہ زار، ستوکتلہ،شاہدرہ، نواں کوٹ، شفیق آباد، ساندہ، نشترکالونی، کاہنہ اور باٹاپور سے 9موٹر سائیکلیں چوری کرلیں۔