گوجرانوالہ(نمائندہ خصوصی)پیپلز لائرز فورم کے زیر اہتمام بے نظیر بھٹو کی 71 ویں سالگرہ کے موقع نوید انور حال سیشن کورٹ میں تقریب منعقد کی۔جس میں مہمانان خصوصی جنرل سیکرٹری پنجاب پاکستان پیپلز پارٹی سید حسن مرتضیٰ، نائب صدر پیپلز پارٹی پنجاب میاں اظہر حسن ڈار،سابق وفاقی وزیر امتیاز صفدر،صدر بار چوہدری عامر منیر باگڑی،سیکرٹری بار رانا علی آفتاب،ضلعی صدر پاکستان پیپلز پارٹی اعجاز سماء، سٹی صدر پیپلز پارٹی میاں ودود حسن ڈار،ضلعی جنرل سیکرٹری پیپلز پارٹی ارشاد اللہ سندھو، سٹی جنرل سیکرٹری پیپلز پارٹی خالد حسین باجوہ، سینئر ایڈووکیٹ سپریم کورٹ شکیل الرحمن خاں ودیگر وکلاء نے شرکت کی۔تقریب کی زیر صدارت ڈویژنل صدر پیپلز لائرز فورم سید آفتاب زیدی ایڈووکیٹ اور ضلعی صدر ناصر عبادت ملک ایڈووکیٹ نے کی۔دریں اثناء شہید جمہوریت بے نظیر بھٹو کی 71ویں سالگرہ کے موقع پر پیپلز سیکرٹریٹ ٹرسٹ پلازہ میں کیک کاٹنے کی تقریب ہوئی ۔