گوجرانوالہ:عید الاضحی پر بہترین  صفائی ،سینٹری ورکرز ہیروز قرار

گوجرانوالہ(نمائندہ خصوصی) وزیر اعلیٰ پنجاب مریم نواز شریف نے عیدالاضحیٰ کے موقع پر صوبہ بھر کو زیرو ویسٹ بنانے کے لیے صفائی ستھرائی اورآلائشوں کو بر وقت ٹھکانے لگانے کے حوالہ سے شانداراورمثالی اقدامات کرنے پرکمشنرز،اضلاع کے ڈپٹی کمشنرز،سالڈویسٹ مینجمنٹ کمپنیوں کے سی ای اوز،لوکل گورنمنٹ کے اداروں اورتمام متعلقہ افسران کی کارکردگی کو سراہتے ہوئے صفائی آپریشن کے اصل ہیروزسنٹری ورکرز کی محنت،کام کا جذبے اورسخت گرمی میں فرائض کی مسلسل بجاآوری کے ذریعے آلائشیں ٹھکانے لگانے پرانکی خدمات کو زبردست خراج تحسین پیش کیاہے۔کمشنر گوجرانولہ ڈویژن نوید حیدر شیرازی ، ڈپٹی کمشنرزگوجرانوالہ محمد طارق قریشی،سیالکوٹ محمد ذوالقرنین،گجرات صفدر ورک،منڈی بہاؤالدین،حافظ آباد سمیت سی ای اوز، سالڈویسٹ مینجمنٹ کمپنیوں اورلوکل گورنمنٹ اداروں کے افسران،سینٹری ورکرزاورسٹاف کی خدمات کے اعتراف میں انہیں سرٹیفکیٹ اورایک تنخواہ کے چیک بطور انعام دئیے۔