شیخوپورہ (نامہ نگارخصوصی)سابق وزیراعظم بینظیر بھٹو شہید کی 71 ویں سالگرہ کا کیک ضلعی سینئر نائب صدر چودھری خالق عزیز ورک کی رہائشگاہ پر کاٹا گیا تقریب کے مہمان خصوصی ڈویژنل نائب صدر چودھری منیر قمر واہگہ ،سید ندیم عباس کاظمی تھے اس موقع پر سابق ضلعی نائب ناظم میاں لیاقت علی ، طاہر سعید بھون، چودھری لطیف احسن ، رانا اکرم ناز، مرزا ہارون الرشید بیگ، طلحہ شکیل راہی ، اشفاق انجم ، میاںمحموداختر ، اشرف خیال ،ملک محمداشرف، سیداطہر عباس،چودھری فہد خالد ورک سمیت کارکنان کی بڑی تعداد بھی موجودتھے اس موقع پر گفتگو کرتے چودھری منیر قمر واہگہ ، خالق عزیز ورک،سید ندیم عباس کاظمی نے کہا ہے کہ بے نظیر بھٹو ایک نڈر، دلیر با اصول جمہوریت پسند لیڈر تھیں ۔بھٹو خاندان نے جانو ں کے نذرانے پیش کرکے پاک وطن کی خودمختاری ،جمہوریت کی مضبوطی ،عوامی ترقی اور خوشحالی پر کوئی کمپرومائز نہ کیا ۔