لاہور( کامرس رپورٹر)ٹیکس اور ڈیوٹی جمع کرنے کیلئے فیڈرل بورڈ آف ریو نیو کے تمام دفاتر آج اور کل (ہفتہ اور اتوار )کو کھلے رہیں گے۔ ایف بی آر کی جانب سے ان لینڈ ریونیو کے تمام چیف کمشنرز کے نام جاری مراسلہ میں بتایا گیا ہے کہ 22 اور 23 جون کو لارج ٹیکس پیئر دفاتر، میڈیم ٹیکس پیئر دفاتر، کارپوریٹ ٹیکس دفاتراور ریجنل ٹیکس دفاتر ٹیکس دہندگان کی سہولت کیلئے ٹیکسوں اور حکومتی ڈیوٹی جمع کرنے کیلئے کھلے رہیں گے۔ایف بی آر نے سیلزٹیکس اور فیڈرل ایکسائز ریٹرن جمع کرانے کی تاریخ 18 جون سے بڑھا کر 24 جون 2024 مقرر کی ہے۔