انڈین ویلز (آئی این پی) اے ٹی پی ماسٹرز ٹینس ٹورنامنٹ کے سیمی فائنل میں رافیل نڈال اور روبن سوڈرلنگ ہار گئے۔ انڈین ویلز میں جاری ماسٹرز ٹینس ٹورنامنٹ ایوان لوبی چچ نے شاندار کارکردگی کا سلسلہ سیمی فائنل میں بھی برقرار رکھا اور سابق عالمی نمبر ایک سپین کے رافیل نڈال کو تین چھ، چھ چار اور سات چھ کے سکور سے اپ سیٹ شکست دیدی اور کیریئر میں چوتھا ماسٹرز سیریز فائنل کھیلنے کا اعزاز حاصل کر لیا۔ فائنل میں لوبی چچ کا مقابلہ امریکہ کے اینڈی روڈک سے ہو گا۔ روڈک نے سویڈن کے روبن سوڈرلنگ کو چھ چار، تین چھ اور چھ تین سے ہرا دیا۔