لاہور (سپورٹس رپورٹر) پاکستان کرکٹ بورڈ کے زیراہتمام جاری قومی ون ڈے ٹورنامنٹ کے دوسرے سیمی فائنل میں کراچی زیبراز نے کراچی ڈولفنز کو 81 رنز سے مات دیکر فائنل کے لئے کوالیفائی کر لیا ہے۔ کراچی زیبراز نے239 رنز بنائے۔ اکبر الرحمان نے 63، خرم منظور نے 60 رنز بنائے۔ سہیل خان، بابر رحمان اور عاطف مقبول نے دو دو کھلاڑیوں کو آ¶ٹ کیا۔ کراچی ڈولفنز کی ٹیم 158 پر آوٹ ہو گئی۔ شاہ زیب حسن نے 42 اور سرفراز احمد نے 36 نمایاں رنز بنائے۔ مصباح خان اور اکبر الرحمان نے تین تین کھلاڑیوں کو آوٹ کیا۔ اکبر الرحمان کو میچ کا بہترین کھلاڑی قرار دیا گیا۔ فائنل 23 مارچ کو لاہور لائنز اور کراچی زیبراز کے درمیان پنڈی کرکٹ سٹیڈیم راولپنڈی میں کھیلا جائیگا۔