ممبئی: نقاب پوش افراد کا گرجا گھر پر پتھروں سے حملہ

نئی دہلی (اے ایف پی) ممبئی میں نقاب پوش افراد نے گرجا گھر پر پتھروں سے حملہ کردیا۔ کلوز سرکٹ کیمروں کی فوٹیج میں 3 نقاب پوش افراد کو چرچ پر پتھرائو کرتے دیکھا گیا ہے۔ حملہ آوروں نے گرجا گھر پر سڑک کی طرف سے پتھر پھینکے اور فرارہوگئے۔ ممبئی پولیس کے اعلیٰ حکام کے مطابق واقعہ پر نامعلوم افراد کیخلاف مقدمہ درج کرلیا گیا ہے تاہم ابھی تک کوئی بھی گرفتاری عمل میں نہیں آئی۔ واضح رہے ایک ہفتہ قبل عمر رسیدہ راہبہ کو زیادتی کا نشانہ بنایا گیا تھا اور اس کے بعد اب گرجا گھرپر پتھروں سے حملہ کیا گیا ہے۔