نواسی کی سالگرہ، وزیراعظم نے مبارکباد دعائیں دیں، نواز شریف خاندان اور رشتوں کے ساتھ سچے ہیں: مریم کا ٹوئٹ

اسلام آباد(آئی این پی) مسلم لیگ (ن) کی رہنما مریم نواز شریف کی چھوٹی صاحبزادی ماہ نور صفدر کی 13 ویں سالگرہ میں وزیر اعظم نواز شریف‘ کیپٹن (ر) صفدر ‘ ماہ نور کی سہیلیوں اور خاندان کے دیگر افراد نے شرکت کی‘ مریم نواز شریف نے والد کی تصاویر سوشل میڈیا پر بھی جاری کیں اور لکھا کہ ’’میری چھوٹی صاحبزادی مانو نانا کے ساتھ سالگرہ منا رہی ہیں… نواز شریف اپنے خاندان اور تمام رشتوں کے ساتھ سچے ہیں‘‘۔ وزیر اعظم نے اس چھوٹی نواسی کو سالگرہ پر مبارکباد دی اور ان کی درازی عمر کیلئے دعا کی۔ مریم نواز شریف کی ٹویٹ کی گئی ایک تصویر جس میں وزیر اعظم ماہ نور کے ساتھ دعا مانگتے نظر آ رہے ہیں لکھا ہے کہ’’ابو‘‘ کیک کاٹنے سے پہلے مانو اور اس کی سہیلیوں کو دعا دے رہے ہیں۔ انہوں نے لکھا کہ الحمد للہ وہ کیا شخصیت ہیں۔