3 اسسٹنٹ پروفیسروں کی گریڈ 20 میں ترقی

لاہور ( کامرس رپورٹر) حکومت پنجاب گائنی کے تین اسسٹنٹ پروفیسروں کو گریڈ 19سے 20میں ترقی دیکر انکے تقرر و تبادلوں کے احکامات جاری کر دیئے ہیں پروفیسر ڈاکٹر نزہت پروین خواجہ کی ایل پی آر منظور کرتے ہوئے ان کی جگہ کنگ ایڈوڈ میڈیکل یونیورسٹی کی اسسٹنٹ پروفیسر ڈاکٹر عالیہ بشیر کوگریڈ 19سے 20میں ترقی دیکر پروفیسر آف گائنی تعینات کر دیا ہے۔ ڈاکٹر سہیل محمود چوہدری کو گریڈ20میں ترقی دیکر وہیں کام جاری رکھنے’اور نشتر میڈیکل یونیورسٹی ملتان کے اسسٹنٹ پروفیسر آف گائنی ڈاکٹر شاہد ارشاد راﺅ کو گریڈ 20میں ریگولر بنیادوں پر ترقی دیکر وہیں کام جاری رکھنے کی ہدایت کی گئی ہے ۔