اسلام آباد(نمائندہ خصوصی) چیئرمین پاکستان پیپلز پارٹی بلاول بھٹو زرداری نے کہا ہے کہ آج کی درحقیقت عالمی کٹھ پتلیوں کا دن منایا جا رہا ہے، چیئرمین پاکستان تحریک انصاف عمران خان کو مبارک ہو۔ جمعرات کو بلال بھٹو زرداری کی جانب سے سماجی رابطوں کی ویب ٹائٹ ٹوئٹر پر ایک ٹویٹ میں کہا گیا کہ آج درحقیقت پوری دنیا میں عالمی سطح پرکٹھ پتلیوں کا دن منایا جا رہا ہے۔ عمران خان اور پاکستان کی تحریک انصاف کو اس کی بہت مبارک ہو۔پیپلز پارٹی کے چیئرمین بلاول بھٹو زرداری نے سابق بریگیڈئیر اسد منیر کی رہائش گاہ پر جا کر ان کے لواحقین سے ہمدردی اور تعزیت کا اظہار کیا۔ اس موقع پر بی بی آصفہ بھٹو زرداری بھی ان کے ہمراہ تھیں۔ بریگیڈئیر ریٹائرڈ اسد منیر نے نیب کے توہین آمیز سلوک سے دلبرداشتہ ہو کر خودکشی کی تھی۔ چیئرمین بلاول بھٹو زرداری اور بی بی آصفہ بھٹو زرداری نے غمزدہ خاندان سے ہمدردی کا اظہار کیا۔ بریگیڈیئر اسد منیر کے لواحقین نے چیئرمین پیپلزپارٹی کو تمام صورتحال سے آگاہ کیا جس کی وجہ سے اسد منیر نے اقدام خودکشی کیا تھا۔