لاہور(سپورٹس رپورٹر+نمائندہ سپورٹس) 72ویں پنجاب گیمز 2019ء کے’’ لوگو‘‘ کی رونمائی کر دی گئی۔ سپورٹس بورڈ پنجاب اور پنجاب اولمپک کے اشتراک سے پنجاب گیمز 3 سے 6 اپریل تک لاہور میں منعقد ہونگی۔ نیشنل ہاکی سٹیڈیم میں منعقد ہونے والی لوگو تقریب کے مہمان خصوصی ڈائریکٹر سپورٹس پنجاب ندیم سرور تھے جبکہ اس موقع پر سیکرٹری پنجاب اولمپک ایسوسی ایشن ادریس حیدر خواجہ، ڈائریکٹر ایڈمن جاوید چوہان، ڈائریکٹر خصوصی ٹاسک انیس شیخ، ڈائریکٹر سپورٹس محمد حفیظ بھٹی، چیف کنسلٹنٹ ایس بی پی شاہد فقیر ورک اورڈپٹی ڈائریکٹر طارق وٹو بھی موجود تھے۔ ندیم سرور نے کہا ہے کہ پنجاب گیمز کو جدید انداز میں منعقد کررہے ہیں تاکہ کھلاڑیوں کی دلچسپی بڑھے،پنجاب گیمزکے انعقاد سے پنجاب میں سپورٹس کی بحالی ہوگی اور نوجوانوں میں سپورٹس فروغ پائیگا۔