کرونا: عمران خان اپنی عوام کو احتیاط برتنے کا مشورہ دیں‘ پاکستانی ہمارے لئے قابل احترام ہیں: رشی کپور

نئی دہلی(اے این این ) معروف بالی وڈ اسٹار رشی کپور نے کورونا وائرس کے پھیلا کے پیشِ نظر پاکستانی شہریوں کی حفاظت سے متعلق اپنی رائے کا اظہار کیا۔رشی کپور نے ٹوئٹر پر وزیراعظم عمران خان کے نام ایک پیغام جاری کیا۔بھارتی اداکار نے ٹوئٹ میں لکھا کہ 'نہایت ہی ادب کے ساتھ پاکستان کے وزیراعظم عمران خان کو مشورہ دیتا ہوں کہ اپنی عوام کو احتیاط برتنے کا مشورہ دیں، پاکستانی عوام ہمارے لیے قابل احترام ہیں کیونکہ ماضی میں ہم ایک تھے'۔رشی کپور نے مزید کہا کہ 'کورونا وائرس ایک عالمی وبا ہے ، اس معاملے میں کوئی انا نہیں، ہم آپ سے پیار کرتے ہیں۔اپنے پیغام کے آخر میں رشی کپور نے انسانیت زندہ باد کا نعرہ بھی لگایا۔