امیر ترین فٹبال اسٹارز کا مقابلہ لیونل میسی نے جیت لیا

کراچی (اسپورٹس رپورٹر)امیر ترین فٹبال سٹارز کا مقابلہ لیونل میسی نے جیت لیا، بارسلونا کلب سے 107.6 ملین پانڈ تنخواہ لینے والے سب سے آگے ہیں، ان کے روایتی حریف کرسٹیانو رونالڈو دوسرے نمبر پر ہیں۔غیر ملکی میڈیا کے مطابق دنیا کے پسندیدہ کھیل فٹبال میں دلچسپ مقابلہ سامنے آیا ہے، سپر سٹار پلیئرز کے درمیان زیادہ کمائی کی دوڑ میں لیونل میسی بازی لے گئے۔ یورپی کھلاڑیوں میں میسی سب سے زیادہ 107.6 ملین پانڈ تنخواہ لیتے ہیں۔ان کے روایتی حریف کرسٹیانو رونالڈو آمدن میں آدھے، اطالوی کلب یووینٹس سے وابستہ رونالڈو کی تنخواہ 46.5 ملین پانڈ ہے۔برازیلی فارورڈ نیمار تیسرے نمبر پر براجمان ہیں، 31.3 ملین پانڈ کماتے ہیں۔ ٹاپ فائیو یورپی فٹبالرز میں لوئس سوآریز کا آخری نمبر ہے۔ انگلش پریمئر لیگ میں زیادہ کمانے والے کی فہرست میں گیرتھ بیل کا پچیس اعشاریہ چھ ملین پانڈ کے ساتھ پہلا نمبر ہے۔